കുന്ദമംഗലം പന്തീർപാടം പുത്തൻപറമ്പത്ത് ഭഗവതി കാവിലെ പുനപ്രതിഷ്ഠാ മഹോത്സവം വിവിധ ചടങ്ങുകളോടെ നടന്നു.ഗണപതി ഹോമം, പ്രതിഷ്ഠ, കലശം ആടൽ, പ്രസന്ന പൂജ, മംഗല്യാരതി ഉണ്ടായിരുന്നു. കാവ് തന്ത്രി പി.കെ. അനിൽകുമാറിൻ്റെ കാർമികത്വത്തിലായിരുന്നു ചടങ്ങുകൾ. ക്ഷേത്രാചാരങ്ങളും അനുഷ്ഠാനവും എന്ന വിഷയത്തിൽ പ്രബോധ് മാസ്റ്റർ പ്രഭാഷണം നടത്തി. ട്രസ്റ്റ് കമ്മിറ്റി അംഗങ്ങൾ നേതൃത്വം നൽകി.കാവിലെ തിറ മഹോത്സവം മാർച്ച് നാലിന് നടക്കും.പുലർച്ചെ നാലിന് ഗണപതി ഹോമത്തോടെ ചടങ്ങുകൾ ആരംഭിക്കും. ഭഗവതി, കാളി, ഗുളികൻ, നാഗകാളി, കരുമകൻ, കരിയാത്തൻ, മുത്തപ്പൻ തുടങ്ങിയ തിറകളും വിവിധ വെള്ളാട്ടുകളും ഉണ്ടാകും.
പുത്തൻപറമ്പത്ത് ഭഗവതി കാവിൽ പുനപ്രതിഷ്ഠാ മഹോത്സവം നടന്നു
