മടവൂരിൽ രണ്ട് ദിവസം മുൻപ് കാണാതായ വ്യക്തിയെ മരിച്ചനിലയിൽ കണ്ടെത്തി

കോഴിക്കോട് മടവൂരിൽ രണ്ട് ദിവസം മുൻപ് കാണാതായ വ്യക്തിയെ മരിച്ചനിലയിൽ കണ്ടെത്തി.വെളുത്തേടത്ത് അബുൽ ഹസൻ (24 )യാണ് ഞായറാഴ്ചയോടെ കാണാതായത്.പിറ്റേന്ന് ഉച്ചയായിട്ടും യാതൊരു വിവരവും ലഭിക്കാത്തതിനെ തുടർന്ന് ബന്ധുക്കൾ കുന്ദമംഗലം പോലീസിൽ പരാതി നൽകുകയായിരുന്നു.തുടർന്ന് നടത്തിയ വ്യാപകമായ തിരച്ചിലോനൊടുവിൽ മടവൂർ ടി എം മഖാം പരിസരത്തെ ആൾമറയില്ലാത്ത കിണറ്റിൽ നിന്നും നാട്ടുകാരാണ് മൃതദേഹം കാണുന്നത്.ഇന്ന് രാവിലെ 7 മണിയോടുകൂടിയാണ് മൃതദേഹം കണ്ടുകിട്ടിയത് .തുടർന്ന് നരിക്കുനി ഫയർ സ്റ്റേഷൻ ഉദ്യോഗസ്ഥരുടെ സഹായത്തോടെ 9 മണിയോടു കൂടി ബോഡി പുറത്തെത്തിക്കുകയും മെഡിക്കൽ കോളേജിലേക്ക് പോസ്റ്റുമോർട്ടത്തിനായി കൊണ്ടുപോകുകയും ചെയ്തു