കോവിഡ് ഐസൊലേഷന് വാര്ഡില്നിന്ന് ചാടിപ്പോയ ശേഷം തിരികെയെത്തിച്ച രോഗി ആശുപത്രിയില് തൂങ്ങി മരിച്ചു. ആനാട് സ്വദേശിയായ യുവാവാണ് ബുധനാഴ്ച രാവിലെ പതിനൊന്നരയോടെ തൂങ്ങി മരിച്ചത്. ഇയാളുടെ രണ്ടു പരിശോധനാ ഫലങ്ങളും നെഗറ്റീവ് ആയിരുന്നു. അപസ്മാര രോഗമുള്പ്പെടെയുള്ള രോഗങ്ങള്ക്ക് ഇയാള് ചികിത്സയിലായിരുന്നു.
കഴിഞ്ഞ ദിവസം തിരികെയെത്തിച്ചശേഷം ഡോക്ടര്മാര് ഉള്പ്പെടെയുള്ളവര് സാന്ത്വനിപ്പിക്കുകയും കൗണ്സലിങ് നല്കുകയും ചെയ്തിരുന്നു. കഴിക്കാനുള്ള മരുന്നുകള് കുറിച്ചു നല്കാനായി നഴ്സ് മുറിയിലെത്തിയപ്പോള് ഇയാള് തൂങ്ങി നില്ക്കുകയായിരുന്നു. ഉടനെ സുരക്ഷാ ജീവനക്കാര് ഇയാളെ തീവ്രപരിചരണ വിഭാഗത്തില് പ്രവേശിപ്പിച്ച് വിദഗ്ധ ചികിത്സ ലഭ്യമാക്കിയെങ്കിലും മരണം സംഭവിക്കുകയായിരുന്നുവെന്ന് ആശുപത്രി അധികൃതര് അറിയിച്ചു.
