തിരാത്ത് സിംഗ് റാവത്ത് ഉത്തരാഖണ്ഡ് മുഖ്യമന്ത്രി

ഉത്തരാഖണ്ഡിലെ പുതിയ മുഖ്യമന്ത്രിയായി തിരാത്ത് സിംഗ് റാവത്ത് ചുമതലയേൽക്കും.
56കാരനായ തിരാത്ത് സിംഗ് റാവത്ത് നിലവിൽ ബി.ജെ.പി എം.പിയാണ്. 2013-15ൽ ഉത്തരാഖണ്ഡിൽ പാർട്ടി അധ്യക്ഷനും മുൻകാലങ്ങളിൽ എം‌.എൽ.‌എയുമായിരുന്നു. ത്രിവേന്ദ്ര സിംഗ് റാവത്ത്​ ചൊവ്വാഴ്ച മുഖ്യമന്ത്രി സ്​ഥാനം രാജിവെച്ചതോടെയാണ്​ പുതിയ മുഖ്യനെ കണ്ടെത്തിയത്​.
കേന്ദ്രമന്ത്രി രമേശ് പൊഖ്രിയാൽ നിഷാങ്ക്, ഉത്തരാഖണ്ഡ് മന്ത്രി ധൻ സിംഗ് റാവത്ത് എന്നിവരുടെ പേരുകളും മുഖ്യമന്ത്രി സ്​ഥാനത്തേക്ക്​ ഉയർന്നു​വന്നിരുന്നു. ഇവരെ മറികടന്നാണ്​ തിരാത്ത് സിംഗ് റാവത്ത് മുഖ്യമന്ത്രിയാകുന്നത്​.