ഉപയോക്താക്കൾ കാത്തിരുന്ന പുതിയ ഫീച്ചർ അവതരിപ്പിക്കാനൊരുങ്ങുകയാണ് വാട്ട്സ് ആപ്പ് എന്ന് മാർക്ക് സക്കർബർഗ്.ഉപഭോക്താക്കള്ക്ക് കൂടുതല് സ്വകാര്യത നല്കുന്ന സൗകര്യമാണ് ഇപ്പോള് പ്രഖ്യാപിച്ചിരിക്കുന്നത്. പുതിയ ഫീച്ചര് ഉപയോഗിച്ച് വാട്സാപ്പ് ഉപഭോക്താക്കള്ക്ക് അവര് അംഗങ്ങളായിട്ടുള്ള ഗ്രൂപ്പുകളില്നിന്ന് ആരുമറിയാതെ പുറത്തുപോവാന് സാധിക്കും. ഓണ്ലൈനില് വരുമ്പോള് ആരെല്ലാം കാണണമെന്ന് തീരുമാനിക്കുക, വ്യൂ വണ്സ് മെസേജുകള് സ്ക്രീന്ഷോട്ട് ചെയ്യുന്നത് തടയുക തുടങ്ങിയവയും സാധ്യമാണ്.ഇതിന് പുറമെ വാട്ട്സ് ആപ്പ് മെസേജ് രണ്ട് ദിവസം കഴിഞ്ഞ ശേഷവും ഡിലീറ്റ് ചെയ്യാൻ സാധിക്കുമെന്ന് വാട്ട്സ് ആപ്പ് ഔദ്യോഗികമായി അറിയിച്ചു.
സന്ദേശങ്ങള് സംരക്ഷിക്കുന്നതിനുള്ള പുതിയ മാര്ഗങ്ങള് തുടര്ന്നും ഒരുക്കുമെന്നും മുഖാമുഖമുള്ള സംഭാഷണങ്ങളെ പോലെ അവയെ സ്വകാര്യവും സുരക്ഷിതമാക്കുമെന്നും സക്കര്ബര്ഗ് തന്റെ ഫെയ്സ്ബുക്ക് പോസ്റ്റില് പറഞ്ഞു. നേരത്തെ ഒരു ഗ്രൂപ്പില്നിന്ന് പുറത്തുപോവുമ്പോള് ആ വിവരം ഗ്രൂപ്പിലെ മറ്റംഗങ്ങളെ വാട്സാപ്പ് അറിയിക്കുമായിരുന്നു. എന്നാല്, ഇനി പുറത്തുപോവുന്ന കാര്യം ഗ്രൂപ്പിലെ എല്ലാവരെയും അറിയിക്കുന്നതിന് പകരം ഗ്രൂപ്പ് അഡ്മിനെ മാത്രമേ അറിയിക്കുകയുള്ളൂ
