ഭാരത് ജോഡോ യാത്രയുടെ വീഡിയോ ദൃശ്യങ്ങൾക്കൊപ്പം , കെജിഎഫ് 2 സിനിമയിലെ ഗാനം അനുമതിയില്ലാതെ ഉപയോഗിച്ചതിനെ തുടർന്ന് കോൺഗ്രസിന്റെ ട്വിറ്റർ അക്കൗണ്ടുകൾക്ക് താത്ക്കാലിക വിലക്ക്. ഭാരത് ജോഡോ യാത്രയുടെയും ട്വിറ്റര് ഹാന്ഡിലുകള് താല്ക്കാലികമായി ബ്ലോക്കുചെയ്യണമെന്ന് ബെംഗളുരൂ കോടതിയാണ് ഉത്തരവിറക്കിയത്.കെ.ജി.എഫ്.-2 വിലെ ഗാനങ്ങള് അനുമതിയില്ലാതെ ഉപയോഗിച്ചെന്ന് ചൂണ്ടിക്കാട്ടി ബെംഗളൂരു ആസ്ഥാനമായി പ്രവര്ത്തിക്കുന്ന എം.ആര്.ടി. മ്യൂസിക് നല്കിയ പരാതിയെ തുടര്ന്നാണ് കോടതി ഉത്തരവ്.കെ.ജി.എഫിന്റെ രണ്ടാംഭാഗത്തിലെ ഹിന്ദി ഗാനങ്ങളുടെ പകര്പ്പവകാശം ലഭിക്കാന് കോടികളാണ് തങ്ങള് ചെലവഴിച്ചതെന്ന് കമ്പനി പരാതിയില് ചൂണ്ടിക്കാണിച്ചിരുന്നു.നിയമവിരുദ്ധമായി ഡൗണ്ലോഡ് ചെയ്ത് ദൃശ്യങ്ങളുമായി കൂട്ടിച്ചേര്ത്ത്, ഗാനങ്ങള് പാര്ട്ടിയുടേതാണെന്ന് തോന്നിക്കുന്ന രീതിയിലാണ് പ്രചരിപ്പിച്ചതെന്ന് എം.ആര്.ടി. മ്യൂസിക്കിന്റെ അഭിഭാഷകന് പറഞ്ഞു.എന്നാൽ ഇത്തരത്തിലൊരു കോടതി നടപടിയെക്കുറിച്ച് അറിയില്ലെന്നും ഉത്തരവിന്റെ പകർപ്പ് ലഭിച്ചിട്ടില്ലെന്നുമാണ് പാർട്ടി ട്വീറ്റ് ചെയ്തു. ”കോൺഗ്രസ്, ഭാരത് ജോഡോ യാത്ര ഹാൻഡിലുകൾക്കെതിരെ ബംഗളൂരു കോടതിയിൽ നിന്നുള്ള ഉത്തരവ് സമൂഹമാധ്യമങ്ങളിൽ നിന്നാണ് അറിയാൻ കഴിഞ്ഞത്. ഉത്തരവിന്റെ കോപ്പി ഇതുവരെ ലഭിച്ചിട്ടില്ല. നിയമപരമായ പരിഹാരങ്ങൾക്ക് ശ്രമിക്കും.” ട്വീറ്റിൽ പറയുന്നു.
We have read on social media about an adverse order from a Bengaluru court against INC & BJY SM handles.
We were neither made aware of nor present at court proceedings. No copy of the order has been received.
We are pursuing all the legal remedies at our disposal.— Congress (@INCIndia) November 7, 2022
