നടി വിന്സി അലോഷ്യസിനോട് പരസ്യമായി മാപ്പ് പറഞ്ഞ് നടന് ഷൈന് ടോം ചാക്കോ. എന്റെ ഭാഗത്ത് നിന്നും എന്തെങ്കിലും പ്രശ്നം ഉണ്ടായിട്ടുണ്ടെങ്കില് ക്ഷമ ചോദിക്കുന്നുവെന്ന് ഷൈന് ടോം പറഞ്ഞു. സൂത്രവാക്യം സിനിമയുടെ പ്രചാരണവുമായി ബന്ധപ്പെട്ട് തൃശൂര് പുതുക്കാട് സംഘടിപ്പിച്ച പരിപാടിയിലാണ് ഇരുവരും പ്രശ്നങ്ങള് പറഞ്ഞുതീര്ത്തത്.
ഒന്നും മനപ്പൂര്വ്വം ചെയ്തതല്ല, പല വാക്കുകളും തമാശയായി പറഞ്ഞതാണ്. തന്നോട് ക്ഷമിക്കണമെന്ന് ഷൈന് ടോം ചാക്കോ പറഞ്ഞു. ഹോള്ഡ് ഷൈന് ടോം താന് ഏറെ ആരാധിച്ച വ്യക്തിയില് നിന്ന് അപ്രതീക്ഷിതമായി ഉണ്ടായ അനുഭവം ഞെട്ടിച്ചതുകൊണ്ടാണ് പരാതിയുമായി രംഗത്ത് എത്തിയതെന്ന് നടി. ഷൈനിനോട് ബഹുമാനം മാത്രം.
ഷൈനിന്റെ കുടുംബത്തെ വിവാദത്തിലേക്ക് വലിച്ചിഴച്ചതില് വേദനയെന്നും വിന്സി അലോഷ്യസ് പറഞ്ഞു. സിനിമയുടെ ചിത്രീകരണത്തിനിടെ നടന് മോശമായി പെരുമാറി എന്നും ലഹരി മരുന്നെന്ന് തോന്നിക്കുന്ന പൊടി ഉപയോഗിക്കുന്നത് കണ്ടുവെന്നും വിന്സി വെളിപ്പെടുത്തിയതോടെയാണ് വിവാദം ആളിക്കത്തിയത്. നടി പൊലീസില് പരാതി നല്കിയില്ലെങ്കിലും താര സംഘടനയായ അമ്മയുടെ ഇന്റേണല് കമ്മിറ്റി ഇടപെട്ട് പ്രശ്നം പരിഹരിക്കുകയായിരുന്നു.
