അന്യായമായ പാചക വാതക, പെട്രോൾ, ഡീസൽ വിലവർദ്ധനവ് പിൻവലിക്കണമെന്നാവശ്യപ്പെട്ട് “കൺസ്യൂമർ റൈറ്റ്സ് പ്രൊട്ടക്ഷൻ സൊസൈറ്റി”സംസ്ഥാന കമ്മിറ്റി പ്രതീകാത്മക ഗ്യാസ് സിലിണ്ടർ ശവമഞ്ച സമരം നടത്തി. മുൻ ഡെപ്യൂട്ടി മേയർ എ ടി അബ്ദുള്ള കോയ ഉദ്ഘാടനം ചെയ്തു. പ്രസിഡന്റ് അഡ്വ എ കെ ജയകുമാർ അധ്യക്ഷത വഹിച്ചു. ജനറൽ സെക്രട്ടറി ജഗത് മയൻ ചന്ദ്രപുരി, ഭാരവാഹികളായ പി ആർ സുനിൽ സിംഗ്, പി അനിൽ ബാബു, എം എസ് മെഹബൂബ്, യു ഷലൂബ് ഖാൻ, ഫൈസൽ കുന്നമംഗലം തുടങ്ങിയവർ പ്രസംഗിച്ചു. വർദ്ധനവ് പിൻവലിച്ചില്ലെങ്കിൽ കൂടുതൽ ശക്തമായ സമരങ്ങൾക്ക് നേതൃത്വം നൽകുമെന്ന് ഭാരവാഹികൾ മുന്നറിയിപ്പ് നൽകി.
