കർഷക പ്രക്ഷാഭം തുടരുന്ന ഡൽഹി-ഹരിയാന അതിർത്തിയായ സിംഘുവിൽ അജ്ഞാർ വെടിയുതിർത്തതായി കർഷകർ. അന്താരാഷ്ട്ര വനിത ദിനത്തോടനുബന്ധിച്ച് ആയിരക്കണക്കിന് വനിത കർഷകർ ട്രാക്ടറുകളിൽ ഡൽഹിയിലേക്ക് തിരിക്കുന്നതിനിടെയാണ് സംഭവം.
ഞായറാഴ്ച രാത്രിയാണ് സംഭവം നടന്നത്.
കാറിലെത്തിയ അജ്ഞാതസംഘം ആകാശത്തേക്ക് വെടിയുതിർക്കുകയായിരുന്നു. പ്രതിഷേധ സ്ഥലത്തിന് സമീപം ഭക്ഷണ വിതരണം നടക്കുന്നതിനിടെയാണ് സംഭവം. അക്രമികൾ പ്രക്ഷോഭ സ്ഥലത്തേക്ക് എത്തിയത് പഞ്ചാബ് രജിസ്ട്രേഷൻ കാറിലാണെന്ന് പൊലീസ് പറഞ്ഞു.
