വിദ്യാലയങ്ങളുടെ വിനോദയാത്രകൾ കെഎസ്ആർടിസി ബസുകളിൽ ആക്കണമെന്ന് നടി രഞ്ജിനി.സ്കൂള്, കോളജ്, യൂണിവേഴ്സിറ്റി എന്നിവയുമായി ബന്ധപ്പെട്ട എല്ലാ വിനോദയാത്രകളും സര്ക്കാര് ബസുകളില് നടത്തണം. ഇത് കൂടുതല് ഭയാനകമായ അപകടങ്ങളെ തടയുകയും കടക്കെണിയിലായ നമ്മുടെ കെ.എസ്.ആര്.ടി.സിക്ക് അധിക വരുമാനം ഉണ്ടാക്കുന്നതിന് സഹായിക്കുകയും ചെയ്യുമെന്നും രഞ്ജിനി കുറിച്ചു.
രഞ്ജിനിയുടെ വാക്കുകള്
5 വിദ്യാര്ഥികളടക്കം 9 പേര് മരിക്കുകയും 40 പേര്ക്ക് പരിക്കേല്ക്കുകയും ചെയ്ത സംഭവത്തില് കേരളം അതീവ ദുഖത്തിലാണ്. വളരെ കര്ശനമായ മോട്ടോര് വാഹന നിയമങ്ങള് ഉള്ളപ്പോള് സ്വകാര്യ ബസുകള് ഫ്ലാഷ് ലൈറ്റുകളും സൈറണും മറ്റും ഉപയോഗിക്കുന്നത് എങ്ങിനെയാണെന്ന് എനിക്ക് മനസ്സിലാകുന്നില്ല.
സര്ക്കാറിനോട് എനിക്ക് ഒരു അപേക്ഷയാണുള്ളത്. സ്കൂള്, കോളജ്, യൂണിവേഴ്സിറ്റി എന്നിവയുമായി ബന്ധപ്പെട്ട എല്ലാ വിനോദയാത്രകളും സര്ക്കാര് ബസുകളില് നടത്തണം. ഇത് കൂടുതല് ഭയാനകമായ അപകടങ്ങളെ തടയുകയും കടക്കെണിയിലായ നമ്മുടെ കെ.എസ്.ആര്.ടി.സിക്ക് അധിക വരുമാനം ഉണ്ടാക്കുന്നതിന് സഹായിക്കുകയും ചെയ്യും. 2018 ല് ഉദ്ഘാടനം ചെയ്യപ്പെട്ട കെ.ടി.ഡിസിയുടെ ബസ് പദ്ധതിക്ക് എന്ത് സംഭവിച്ചു?
ഊട്ടിയിലേക്ക് വിനോദയാത്രയ്ക്ക് പോയ എറണാകുളം വെട്ടിക്കല് ബസേലിയോസ് വിദ്യാനികേതന് സ്കൂളില് വിദ്യാര്ഥികള് സഞ്ചരിച്ച ടൂറിസ്റ്റ് ബസാണ് അപകടത്തില്പ്പെട്ടത്. വടക്കഞ്ചേരിയില് വെച്ച് കെഎസ്ആര്ടിസി സൂപ്പര്ഫാസ്റ്റ് ബസിന്റെ പിന്നില് ഇടിച്ചുകയറിയ ശേഷം ബസ് മറിയുകയായിരുന്നു.
