തുര്‍ക്കി-സിറിയ ഭൂചലനത്തില്‍ തകര്‍ന്ന കെട്ടിടത്തിനടിയില്‍ നിന്നും നവജാത ശിശുവിനെ അത്ഭുതകരമായി രക്ഷപ്പെടുത്തി.രക്ഷാപ്രവർത്തകരാണ് നവജാതശിശുവിനെ ആശുപത്രിയിലേക്ക് മാറ്റിയത്. കുഞ്ഞിന്റെ ആരോഗ്യനില തൃപ്തികരമാണെന്നാണ് റിപ്പോർട്ട്. സിറിയയിലെ ആലപ്പൊ നഗരത്തിലാണ് സംഭവം.കെട്ടിടങ്ങൾക്കിടയിൽപ്പെട്ട് കുട്ടിയുടെ അച്ഛനും അമ്മയും മരണപ്പെട്ടു. പ്രസവിച്ച് മണിക്കൂറുകൾ പോലും തികയാത്ത കുഞ്ഞിനെയാണ് തകർന്നുവീണ കെട്ടിടങ്ങൾക്കിടയിൽ നിന്നും രക്ഷാപ്രവർത്തകർ അത്ഭുതകരമായി രക്ഷപ്പെടുത്തിയത്. കുഞ്ഞിനെ രക്ഷപ്പെടുത്തുന്നതിന്റെ വീഡിയോ സാമൂഹിക മാധ്യമങ്ങളിൽ വ്യാപകമായി പ്രചരിക്കുന്നുണ്ട്.തിങ്കളാഴ്ച പുലര്‍ച്ചയോടെയാണ് തുര്‍ക്കിയിലെ തെക്കന്‍ പ്രദേശങ്ങളിലും സിറിയയിലും ഭൂചലനമുണ്ടായത്. തുര്‍ക്കിയില്‍ മാത്രം 2921 പേര്‍ കൊല്ലപ്പെട്ടതായി ലേറ്റസ്റ്റ്ലി റിപ്പോര്‍ട്ട് ചെയ്യുന്നു. സിറിയയില്‍ മാത്രം മരിച്ചവരുടെ എണ്ണം 1444 ആയി.
ഭൂചലനത്തില്‍ തകര്‍ന്ന കെട്ടിടത്തില്‍ നിന്നും നവജാതശിശുവിനെ രക്ഷപെടുത്തിയത് അത്ഭുതകരമായി, മാതാപിതാക്കൾക്ക് ദാരുണാന്ത്യം
