സിൽവർ ലൈനിൽ കാര്യങ്ങൾ വിശദീകരിക്കാൻ മുഖ്യമന്ത്രി പ്രാപ്തൻ;യെച്ചൂരി

സിൽവർ ലൈനിൽ കാര്യങ്ങൾ വിശദീകരിക്കാൻ മുഖ്യമന്ത്രി പ്രാപ്തനാണെന്ന് സിപിഐഎം ജനറൽ സെക്രട്ടറി സീതാറാം യെച്ചൂരി. പാർട്ടിയുടെ നിലപാട് ആവർത്തിച്ച് പറഞ്ഞിട്ടുള്ളതാണെന്നും അദ്ദേഹം പറഞ്ഞു. ഹൈദരാബാദിൽ സിപിഎം കേന്ദ്രമ്മിറ്റി യോഗത്തിന് മുന്നോടിയായി മാധ്യമങ്ങളോട് സംസാരിക്കവെയാണ് യെച്ചൂരിയുടെ പ്രതികരണം.
മൂന്ന് ദിവസം നീണ്ട് നിക്കുന്ന കേന്ദ്രകമ്മിറ്റി യോഗമാണ് ഹൈദരാബാദിൽ ആരംഭിച്ചത്. 23ാം പാർട്ടി കോൺഗ്രസിൽ അവതരിപ്പിക്കേണ്ട കരട് രാഷ്ട്രീയ പ്രമേയം ചർച്ച ചെയ്ത് അംഗീകരിക്കുകയെന്നതാണ് യോഗത്തിലെ മുഖ്യ അജണ്ടയെന്നും യെച്ചൂരി പറഞ്ഞു.കോൺഗ്രസുമായുള്ള ബന്ധം സിപിഐഎം രാഷ്ട്രീയ പ്രമേയത്തിലൂന്നിയെന്ന് സീതാറാം യെച്ചൂരി വ്യക്തമാക്കി. കമ്മിറ്റി അംഗീകരിക്കുന്ന റിപ്പോർട്ട് പാർട്ടി കോൺഗ്രസിന് മുന്നോടിയായി കീഴ്ഘടകങ്ങളിലേക്ക് ചർച്ചയ്ക്ക് അയക്കും.