കുന്ദമംഗലം: ജനു: 9 മുതൽ 12 വരെ കാരന്തൂർ പാറ്റേൺ ഫ്ളഡ്ലിറ്റ് സ്റ്റേഡിയത്തിൽ നടക്കുന്ന അഖില കേരള കോളജിയേറ്റ് വോളിബോൾ ടൂർണമെന്റിന്റെ വരവറിയിച്ച് വിളംബര ജാഥ നടത്തി. വാദ്യമേളങ്ങളുടെ അകമ്പടിയോടെ കാരന്തൂരിൽ നിന്ന് തുടങ്ങി കുന്ദമംഗലത്ത് സമാപിച്ച വിളംബര ജാഥക്ക് ഗ്രാമ പഞ്ചായത്ത് പ്രസിഡണ്ട് ലീന വാസുദേവൻ,വൈസ് പ്രസിഡണ്ട് കെ.പി.കോയ, മെമ്പർമാരായ വിനോദ് പടനിലം, പടാളിയിൽ ബഷീർ, പി.പവിത്രൻ, എ.കെ.ഷൗക്കത്തലി, പാറ്റേൺ പ്രസിഡണ്ട് എ.മൂസ്സ ഹാജി, സെക്രട്ടറി സി. യൂസഫ്, പി.ഹസ്സൻ ഹാജി, പി.എൻ.ശശിധരൻ, കെ.മൊയ്തീൻകോയ, ശ്രീനു, കെ.പി. വസന്തരാജ്,സുരേന്ദ്രൻ, പി.സുനിൽകുമാർ, പി.റഷീദ് എന്നിവർ നേതൃത്വം നൽകി. കേരളത്തിലെ വിവിധ യൂണിവേഴ്സിറ്റികളിലെ പ്രമുഖ കോളേജ് വോളിബോൾ ടീമുകൾ ടൂർണമെന്റിൽ പങ്കെടുക്കും.വ്യാഴാഴ്ച വൈകു: 6 മണിക്ക് എം.കെ.രാഘവൻ എം.പി.ഉദ്ഘാടനം ചെയ്യും.
