കുവൈത്ത് : കോവിഡ് ബാധിച്ച് വിദേശത്ത് ഒരു മലയാളി കൂടി മരിച്ചു. കോഴിക്കോട് ജില്ലയിലെ കുന്ദമംഗലംപുത്തുർ മഠം മീത്തൽ പറമ്പ് സ്വദേശി ഫാത്തിമ മന്സില് വീട്ടില് അഹമ്മദ് ഇബ്രാഹിമാണ് (57) കുവൈത്തിലെ ആശുപത്രിയിൽ വെച്ച് മരണമടഞ്ഞത്. രോഗം ബാധിച്ച ഇദ്ദേഹത്തെ കഴിഞ്ഞ ദിവസം ഐ സി യു വിൽ പ്രവേശിപ്പിച്ചിരുന്നു. കോവിഡ് ബാധ ആയതിനാൽ എല്ലാ സുരക്ഷയും മാനിച്ച് മരണപ്പെട്ട രാജ്യത്ത് തന്നെ ഇദ്ദേഹത്തിന്റെ മയ്യിത്ത് മറവ് ചെയ്യൽനടക്കും. നേരത്തെയും പല രാജ്യങ്ങളിലായി മലയാളികളുടെ മരണം റിപ്പോർട്ട് ചെയ്ത് വരികയാണ്.കുവൈത്ത് കെ.എം സി.സി പ്രവർത്തകനാണ്.
ഇരുപത് വര്ഷത്തോളമായി ഗള്ഫില് ജോലി ചെയ്യുന്ന ഇദ്ദേഹം ഒരു കിച്ചണ് കബോര്ഡ് കമ്പനിയില് സ്റ്റോര് കീപ്പറായിരുന്നു. കഴിഞ്ഞ നോമ്പിന് ആണ് ഇദ്ദേഹം അവസാനമായി നാട്ടില് വന്നത്.
ഭാര്യ;ഇമ്പിച്ചി ബീവി
മക്കള്;ഉമ്മര്കോയ, ഫാത്തിമത്ത് സുഹ്റ, ആയിഷ ഫര്ഹത്ത്
മരുമക്കള്;മുജീബ് മാത്തോട്ടം, നൗഫല് കാരന്തൂര്
