ഉത്തരകൊറിയന് ഭരണാധികാരി കിങ്ജോങ് ഉന്നിനെതിരെ ചുമരെഴുത്ത് നടത്തിയവരെ കണ്ടുപിടിക്കാൻ ഭരണകൂടം. പ്യോങ് യാങ്ങിലെ ഒരു കെട്ടിടസമുച്ചയത്തിന്റെ ചുമരിലാണ് കിമ്മിനെ അധിക്ഷേപിക്കുന്ന തരത്തില് ചുമരെഴുത്ത് പ്രത്യക്ഷപ്പെട്ടത്. ഇതേ തുടർന്നാണ് ചുവരെഴുത്ത് നടത്തിയവരെ കണ്ടുപിടിക്കാന് കൈയക്ഷര പരിശോധന നടത്താൻ ഉത്തരകൊറിയന് അധികാരികള് ഒരുങ്ങുന്നത് .
ഉത്തരകൊറിയന് ഭരണകക്ഷിയുടെ സെന്ട്രല് കമ്മിറ്റി പ്ലീനറി സമ്മേളനം നടക്കുന്നതിനിടെ ഡിസംബര് 22-നാണ് നഗരത്തില് ചുവരെഴുത്ത് പ്രത്യക്ഷപ്പെട്ടത്. കിങ്ജോങ് ഉന്നിനെ അസഭ്യഭാഷയില് അഭിസംബോധന ചെയ്യുന്ന ചുവരെഴുത്തില് ഉന് കാരണം ജനങ്ങള് പട്ടിണി കിടന്നു മരിക്കുന്നുവെന്നും കുറ്റപ്പെടുത്തിയിരുന്നു. ഉദ്യോഗസ്ഥര് വേഗത്തില് പ്രദേശം വൃത്തിയാക്കുകയും ചുവരെഴുത്തുകള് മായ്ച്ചുകളയുകയും ചെയ്തു.
ചുവരെഴുത്ത് നടത്തിയയാളെ കണ്ടുപിടിക്കാന് നഗരവാസികളുടെ മുഴുവന് കൈയ്യക്ഷരം വീട് വീടാന്തരം കയറിയിറങ്ങി ശേഖരിക്കുകയാണ് ഉദ്യോഗസ്ഥര്.ആയിരക്കണക്കിനു പേരുടെ കൈയക്ഷരം പരിശേധിക്കുമെന്നാണ് റിപ്പോര്ട്ടുകള്.
പ്രദേശത്തെ സിസിടിവി ദൃശ്യങ്ങളും പരിശോധിക്കും.ഭരണാധികാരിക്കും ഭരണത്തിനും എതിരായ ചുമരെഴുത്ത് ഉത്തര കൊറിയയില് വലിയ കുറ്റമാണ്.