ഇറക്കുമതി ചെയ്ത ആഡംബര കാറിന്റെ പ്രവേശന നികുതിയില് ഇളവു തേടി ധനുഷ് കോടതിയെ സമീപിച്ചിരുന്നു. നടൻ വിജയ്ക്ക് പിന്നാലെ നികുതിയിളവ് ചോദിച്ചെത്തിയ ധനുഷിനും കോടതിയുടെ രൂക്ഷ വിമർശനം ഏറ്റുവാങ്ങേണ്ടി വന്നു. പണമുള്ളവർ നികുതി ഇളവ് ആവശ്യപ്പെടുന്നത് എന്തിനാണെന്ന് കോടതി ചോദിച്ചു.
. നടന്മാർ ജനങ്ങൾക്ക് മാതൃകയാവണം. പാൽ വാങ്ങുന്നവരും ഇന്ധനം വാങ്ങുന്നവരും പരാതിയില്ലാതെ നികുതി അടയ്ക്കുന്നു. താരങ്ങൾ ഇളവ് തേടി കോടതിയെ സമീപിക്കുന്നുന്നത് എന്തിനാണെന്ന് ജസ്റ്റിസ് എസ്.എം.സുബ്രഹ്മണ്യൻ ചോദിച്ചു.
‘നിങ്ങളുടെ ഉദ്ദേശം സത്യസന്ധമാണെങ്കില് സുപ്രീം കോടതി വിഷയം തീര്പ്പാക്കിയ 2018ന് ശേഷമെങ്കിലും നികുതി അടയ്ക്കണമായിരുന്നു. പക്ഷേ ഹൈക്കോടതി പഴയ ഹര്ജി ലിസ്റ്റ് ചെയ്യുന്ന സമയത്ത് നിങ്ങള് അത് പിന്വലിക്കണമെന്ന അപേക്ഷയുമായി എത്തിയിരിക്കുകയാണ്. നികുതിദായകരുടെ പണമുപയോഗിച്ച് നിര്മ്മിക്കുന്ന റോഡിലൂടെയാണ് നിങ്ങള് ആഡംബര കാര് ഓടിക്കാന് പോകുന്ന’തെന്നും ജസ്റ്റിസ് പറയുന്നു.
സമാനമായ കേസിൽ അതിരൂക്ഷമായ വിമർശനം നടൻ വിജയ്ക്ക് നേരെയും കോടതി ഉന്നയിച്ചിരുന്നു. നികുതി അടയ്ക്കാത്തത് ദേശവിരുദ്ധപ്രവർത്തനമാണെന്നായിരുന്നു അന്ന് കോടതി നിരീക്ഷിച്ചത്. താരങ്ങൾക്ക് ലഭിക്കുന്ന പ്രതിഫലം ആകാശത്ത് നിന്ന് വരുന്നതല്ല. സാധാരണക്കാരന്റെ അധ്വാനത്തിന്റെ പങ്കാണ്. അതുകൊണ്ട് തന്നെ നികുതിയടച്ച് താരങ്ങൾ ജനങ്ങൾക്ക് മാതൃകയാവമെന്ന് അന്നും കോടതി പറഞ്ഞിരുന്നു
