കമല് ഹാസനെ നായകനാക്കി ലോകേഷ് കനകരാജ് സംവിധാനം ചെയ്ത വിക്രം ആദ്യ ദിനം നേടിയത് 34 കോടി രൂപ.ചിത്രത്തിന് ആദ്യ പ്രദര്ശനം മുതല് മികച്ച പ്രതികരണമാണ് എല്ലായിടത്തു നിന്നും ലഭിക്കുന്നത്. ഉലകനായകനൊപ്പം വിജയ് സേതുപതി, ഫഹദ് ഫാസില് എന്നിവരും ഗംഭീര പ്രകടനമാണ് നടത്തിയിരിക്കുന്നത്. റിലീസിന് മുന്പേ 200 കോടിരൂപ ചിത്രം നേടിയതായി റിപ്പോര്ട്ടുകളുണ്ടായിരുന്നു . സിനിമയുടെ ആദ്യ ദിന കളക്ഷന് റിപ്പോര്ട്ട് പുറത്തുവന്നതോടെ തമിഴ് സിനിമാ വ്യവസായത്തില് ഒരു നാഴികകല്ലായി വിക്രം മാറുമെന്ന് ഉറപ്പാണ്. കമല്ഹാസന്റെ രാജ് കമല് ഇന്റര്നാഷണലാണ് ചിത്രം നിര്മിച്ചത്.
ആക്ഷനും വൈകാരികതയും നിറഞ്ഞ ഒരു മികച്ച ത്രില്ലര് എന്നാണ് ചിത്രത്തെ വിശേഷിപ്പിക്കുന്നത്. ലോകേഷ് കനകരാജിന്റെ കാര്ത്തി നായകനായ കൈതി എന്ന ചിത്രം നല്കിയ അതേ ആവേശം വിക്രം നല്കുന്നുവെന്ന് പ്രേക്ഷകര് അഭിപ്രായപ്പെടുന്നുകേരളത്തിൽ നിന്നും മാത്രം ചിത്രം നേടിയത് 5 കോടിയിലേറെ രൂപയെന്നാണ് ട്രേഡ് അനലിസ്റ്റുകൾ പറയുന്നത്. കേരളത്തിലെ ആദ്യദിന കളക്ഷനിൽ മുന്നിൽ നിൽക്കുന്നത് കെജിഎഫ് 2 ആണ്. അമേരിക്കയിലും ഗള്ഫ് രാജ്യങ്ങളിലുമെല്ലാം വിക്രത്തിന് മികച്ച പ്രതികരണമാണ് ലഭിച്ചു കൊണ്ടിരിക്കുന്നത്.
