കുന്ദമംഗലം: കാരന്തൂര്‍ മര്‍കസ് ഇംഗ്ലീഷ് മീഡിയം സ്‌കൂളില്‍ (മെംസ് ഇന്റര്‍നാഷണല്‍) ലോകോത്തര നിലവാരത്തിലുളള ബാസ്‌ക്കറ്റ് ബോള്‍ ഗ്രൗണ്ട് ഉദ്ഘാടനം ചെയ്തു. 2020 21 കാലയളവിലെ സ്‌കൂള്‍ പി.ടി.എ യുടെ ഫണ്ട് ഉപയോഗപ്പെടുത്തി നിര്‍മ്മിച്ച ഇന്റര്‍നാഷണല്‍ ബാസ്‌ക്കറ്റ് ബോള്‍ ഗ്രൗണ്ട് പി.ടി.എ റഹിം MLA വിദ്യാര്‍ത്ഥികള്‍ക്ക് തുറന്നു കൊടുത്തു.
സ്‌കൂള്‍ പ്രിന്‍സിപ്പാള്‍ കലാം സിദ്ധീഖി അദ്ധ്യക്ഷത വഹിച്ചു. മര്‍കസ് അസിസ്റ്റന്റ് മാനേജറും മര്‍കസ് ഗ്രൂപ്പ് ഓഫ് സ്‌കൂള്‍ കോര്‍ഡിനേറ്ററുമായ ഉബൈദുല്ല സഖാഫി മുഖ്യ പ്രഭാഷണം നടത്തി. സ്‌കൂള്‍ പി.ടി.എ എക്‌സിക്യൂടീവ് അംഗങ്ങള്‍ ഗ്രൗണ്ടിന്റെ ഔപചാരികമായ സമര്‍പ്പണം നടത്തി.
വിദ്യാര്‍ത്ഥികളുടെ ആദ്യ കളി കുന്ദമംഗലം ഗ്രാമപഞ്ചായത്ത് വൈസ് പ്രസിഡണ്ട് വി.അനില്‍കുമാര്‍ ഉദ്ഘാടനം ചെയ്തു. സമ്മര്‍ ഫുട്‌ബോള്‍ ക്യാമ്പിന്റെ ലോഗോ ജില്ലാ സ്‌പോര്‍ട്‌സ് കൗൺസില്‍ പ്രസിഡണ്ട് ഒ.രാജഗോപാല്‍ പ്രകാശനം ചെയ്തു. പി.ടി.എ പ്രസിഡണ്ട് എന്‍.ഷൗക്കത്തലി, വൈസ് പ്രസിഡണ്ട് ഹനീഫ് അസ്ഹരി എന്നിവർ സംസാരിച്ചു. സ്‌കൂള്‍ അഡ്മിനിസ്‌ട്രേറ്റീവ് ഓഫീസര്‍ ശഹീര്‍ അസ്ഹരി സ്വാഗത പ്രഭാഷണവും അസി.എ.ഒ സാജിദ് സഖാഫി നന്ദിയും പറഞ്ഞു.
