പാരിസ്: പിഎസ്ജിയുടെ ബ്രസീലിയന് സൂപ്പര്താരം നെയ്മര്ക്ക് കൊവിഡ് 19 സ്ഥിരീകരിച്ചു. നെയ്മറെ കൂടാതെ ഏഞ്ചല് ഡി മരിയ, ലിയനാര്ഡോ പരേഡസ് എന്നിവര്ക്കും രോഗം സ്ഥിരീകരിച്ചതായാണ് റിപ്പോർട്ട്. മൂന്ന് താരങ്ങൾക്ക് കൊവിഡ് സ്ഥിരീകരിച്ചതായാണ് ക്ലബ്ബ് അറിയിച്ചത്. പേരുവിവരങ്ങൾ പുറത്ത് വിട്ടിട്ടില്ല. എന്നാൽ നെയ്മർ, ഡി മരിയ, ലിയനാര്ഡോ പരേഡസ് എന്നിവർക്കാണ് രോഗമെന്ന് അന്തർദ്ദേശീയ മാധ്യമങ്ങൾ റിപ്പോർട്ട് ചെയ്യുന്നു. കളിക്കാര്ക്ക് രോഗം കണ്ടെത്തിയതിനെ തുടര്ന്ന് പിഎസ്ജിയുടെ മത്സരം നീട്ടിവെക്കാന് അഭ്യര്ഥിച്ചിരുന്നു. ഫ്രഞ്ച് ലീഗില് ഓഗസ്ത് 29ന് നടക്കേണ്ടിയിരുന്ന മത്സരം ഒക്ടോബര് 10-ാം തീയതിയിലേക്കാണ് മാറ്റിയത്.
ചാമ്പ്യന്സ് ലീഗ് മത്സരം കഴിഞ്ഞയുടന് കളിക്കാര്ക്ക് വിശ്രമം ആവശ്യമായതിനാലാണ് പിഎസ്ജി മത്സരം മാറ്റിവെക്കാന് നിര്ദ്ദേശിച്ചിരുന്നത്. ചാമ്പ്യന്സ് ലീഗിന് ശേഷം കളിക്കാര് അവധി ആഘോഷിക്കാന് ഇബ്സിയയിലെത്തിയിരുന്നു. ഇവിടെ വെച്ചാണ് രോഗം ബാധിച്ചത്. കളിക്കാരുമായി സമ്പര്ക്കത്തിലുണ്ടായിരുന്ന മറ്റുള്ളവരേയും നിരീക്ഷണത്തിലാക്കിയിട്ടുണ്ട്. കൂടുതല് കളിക്കാര് നിരീക്ഷണത്തില് പോവുകയാണെങ്കില് ഫ്രഞ്ച് ലീഗില് നടക്കാനിരിക്കുന്ന അടുത്ത കളിയെ അത് ബാധിച്ചേക്കും.
കളിക്കാരെ കൂടാതെ പിഎസ്ജിയുടെ എല്ലാ പരിശീലകരും നിരീക്ഷണത്തിലാണ്. ഇവര്ക്ക് വരും ദിവസങ്ങളില് തുടരെ പരിശോധന നടത്താനാണ് ക്ലബ്ബിന്റെ തീരുമാനം. സപ്തംബര് 10ന് റെസിങ് ലെന്സുമായാണ് സീസണില് പിഎസ്ജിയുടെ ആദ്യ മത്സരം. ഈ മത്സരത്തില് പല കളിക്കാര്ക്കും വിട്ടുനില്ക്കേണ്ടിവന്നേക്കാം. നെയ്മര് ഉള്പ്പെടെയുള്ള കളിക്കാര്ക്ക് കുറഞ്ഞത് 20 ദിവസത്തേക്കെങ്കിലും കളത്തിലിറങ്ങാന് കഴിയില്ലെന്നുറപ്പാണ്.
ഫ്രാന്സില് കൊവിഡ് നിയന്ത്രണ വിധേയമായതിനെ തുടര്ന്ന് ആരാധകരെ പ്രവേശിപ്പിച്ചികൊണ്ട് ചില മത്സരങ്ങള് നടത്തിയിരുന്നു. കൊവിഡ് ബാധയുടെ പശ്ചാത്തലത്തില് കൂടുതല് നിയന്ത്രണങ്ങളോടെയാകും മത്സരങ്ങള് നടക്കുക. നേരത്തെ പ്രീമിയര് ലീഗ് ക്ലബ്ബ് ചെല്സിയുടെ താരങ്ങള്ക്ക് കൂട്ടത്തോടെ കൊവിഡ് ബാധിച്ചിരുന്നു. യൂറോപ്യന് ലീഗ് മത്സരങ്ങള് ആരംഭിക്കാനിരിക്കെ കളിക്കാര് കൊവിഡിന്റെ പിടിയിലാകുന്നത് സംഘാടകരെ ആശങ്കയിലാക്കിയിട്ടുണ്ട്.
