നഗ്നശരീരത്തില് കുട്ടികളെ കൊണ്ട് ചിത്രം വരപ്പിച്ച രഹ്ന ഫാത്തിമയ്ക്ക് ജാമ്യം നല്കരുതെന്ന് സംസ്ഥാന സര്ക്കാര് ഹൈക്കോടതിയില് അറിയിച്ചു. കലയെന്ന പേരില് കുട്ടികളെ ഇത്തരം പ്രവൃത്തികള്ക്ക് ഉപയോഗിക്കരുതെന്ന് സര്ക്കാര് അറിയിച്ചു. രഹ്ന ഫാത്തിമയുടെ മുന്കൂര് ജാമ്യാപേക്ഷ പരിഗണിക്കവെയാണ് സര്ക്കാര് നിലപാട് അറിയിച്ചത്.
സ്വന്തം കുട്ടിയെ വച്ച് എന്തും ചെയ്യാമെന്ന നില വരരുത്. സമൂഹത്തില് അത് ഗുരുതര പ്രത്യാഘാതങ്ങള് ഉണ്ടാക്കും. രഹ്നയുടെ മുന്കാല ചെയ്തികള് കണക്കിലെടുക്കണമെന്നും സര്ക്കാര് കോടതിയെ ബോധിപ്പിച്ചു. വിഷയം പോക്സോ കേസിന്റെ പരിധിയില് വരുമെന്നും സര്ക്കാര് കൂട്ടിച്ചേര്ത്തു.
