രാജ്യത്ത് നിർബന്ധിത വാക്സിനേഷൻ പാടില്ലെന്ന് സുപ്രീംകോടതി.വാക്സിനെടുക്കാത്തവര്ക്ക് പൊതുസ്ഥലങ്ങളില് നിയന്ത്രണം ഏര്പ്പെടുത്തിയത് ശരിയല്ലെന്നും സുപ്രീംകോടതി നിരീക്ഷിച്ചു.എന്നാൽ പൊതു താത്പര്യം കണക്കിലെടുത്ത് വാക്സിൻ കുത്തിവയ്ക്കാത്തവർക്ക് എതിരെ നിയന്ത്രണങ്ങൾ കൊണ്ട് വരാൻ സർക്കാരുകൾക്ക് അധികാരം ഉണ്ടെന്നും സുപ്രീം കോടതി വ്യക്തമാക്കി. വാക്സിന് എടുക്കാത്തവരില്നിന്ന് കോവിഡ് പകരാനുള്ള സാധ്യത, വാക്സിന് എടുത്തവരില്നിന്നുള്ള പകര്ച്ചാ സാധ്യതയേക്കാള് കൂടുതലാണെന്ന് കാണിക്കാനുള്ള മതിയായ വിവരങ്ങളൊന്നും സര്ക്കാരുകള് ഹാജരാക്കാത്ത സാഹചര്യത്തിലാണ് കോടതിയുടെ പരാമര്ശം.
സംസ്ഥാനങ്ങളുടെ വാക്സിനേഷന് മാര്ഗനിര്ദേശങ്ങള് ശരിയല്ലെന്ന് കാണിച്ച് വിദ്ഗ്ധ സമിതിയംഗമാണ് സുപ്രീംകോടതിയെ സമീപിച്ചത്.ഹര്ജി പരിഗണിച്ച് കൊണ്ട് എല് നാഗേശ്വരറാവു അധ്യക്ഷനായ ബെഞ്ചാണ് സുപ്രധാന നിരീക്ഷണങ്ങള് നടത്തിയത്.വാക്സിനെടുക്കാന് ആരെയും നിര്ബന്ധിക്കാന് പാടില്ല എന്ന് പറഞ്ഞ കോടതി വാക്സിനെടുക്കാത്തവര്ക്ക് പൊതുസ്ഥലങ്ങളില് നിയന്ത്രണം ഏര്പ്പെടുത്തിയത് ശരിയല്ലെന്നും ചൂണ്ടിക്കാട്ടി.
നിലവിലെ സാഹചര്യത്തില് ഇത്തരം ഉത്തരവുകള് പിന്വലിക്കണമെന്നും കോടതി ഉത്തരവിട്ടു. വാക്സിന്റെ പാര്ശ്വഫലങ്ങളെ കുറിച്ചുള്ള വിവരങ്ങള് പരസ്യപ്പെടുത്തണമെന്നും കോവിഡിന്റെ നിലവിലെ സാഹചര്യത്തില് ഒതുങ്ങി നിന്ന് കൊണ്ടാണ് ഈ നിര്ദേശമെന്നും കോടതി ചൂണ്ടിക്കാട്ടി.
നിരസിക്കാനും അവകാശമുണ്ട്;നിർബന്ധിത വാക്സിനേഷൻ വേണ്ടെന്ന് സുപ്രീം കോടതി
