ബംഗാള് നിയമസഭ തെരഞ്ഞെടുപ്പില് കേവല ഭൂരിപക്ഷവും പിന്നിട്ട് തൃണമൂല് കോണ്ഗ്രസ് മികച്ച ലീഡിലേക്ക്. വോട്ടെണ്ണല് പകുതി പിന്നിട്ടപ്പോള് ഏകദേശം 200ഓളം സീറ്റില് തൃണമൂല് ലീഡ് നേടി കുതിക്കികയാണ്. ബിജെപിയുടെ ലീഡ് രണ്ടക്കത്തിലേക്ക് കടന്നു. 200 സീറ്റില് തൃണമൂല് കോണ്ഗ്രസ് ലീഡ് നേടിയപ്പോള് 90 സീറ്റില് മാത്രമാണ് ബിജെപി ലീഡ് ചെയ്യുന്നത്. ഇടതുപാര്ട്ടികള് ഒരു മണ്ഡലത്തിലും ലീഡ് ചെയ്യുന്നില്ല. ബംഗാളില് ഭരണം പിടിച്ചെടുക്കാന് അരയും തലയും മുറുക്കിയാണ് ബിജെപി രംഗത്തെത്തിയത്.
പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ തുടങ്ങിയ കേന്ദ്ര നേതാക്കള് ക്യാമ്പ് ചെയ്താണ് ബംഗാളില് ബിജെപിക്കുവേണ്ടി പ്രചാരണം നടത്തിയത്. എന്നാല് ഇതൊന്നും വലിയ മുന്നേറ്റം നടത്താന് ബിജെപിയെ സഹായിച്ചില്ല. ബംഗാള് ജനത മൂന്നാമതും മമതയില് വിശ്വാസം അര്പ്പിക്കുകയായിരുന്നു.
