ഒരു രാജ്യം ഒരു തെരഞ്ഞെടുപ്പ് നിര്ദേശം പഠിക്കാന് സമിതിക്ക് രൂപം നല്കി കേന്ദ്രസര്ക്കാര്.സെപ്റ്റംബര് 18 മുതല് 22 വരെ നടക്കാനിരിക്കുന്ന പ്രത്യേക പാര്ലമെന്റ് സമ്മേളനത്തില് ഒരു ‘രാജ്യം, ഒരു തിരഞ്ഞെടുപ്പ്’ സംബന്ധിച്ച് നിയമനിര്മാണം നടന്നേക്കുമെന്ന വാർത്തകള്ക്ക് പിന്നാലെയാണ് ഇപ്പോൾ കേന്ദ്രത്തിന്റെ നിർണായക നീക്കം.മുന് രാഷ്ട്രപതി രാം നാഥ് കോവിന്ദ് ആണ് അധ്യക്ഷന്. രണ്ട് വിരമിച്ച ജഡ്ജിമാരും സമിതിയില് ഉണ്ടാകുമെന്നാണ് റിപ്പോര്ട്ടുകള്.അഞ്ചുദിവസമാണ് പാര്ലമെന്റിന്റെ പ്രത്യേക സമ്മേളനം ചേരുക. സെപ്റ്റംബര് 18 മുതല് 22 വരെയാണ് പ്രത്യേക സമ്മേളനം. ക്രിയാത്മക ചര്ച്ചകള് പ്രതീക്ഷിക്കുന്നതായി കേന്ദ്രമന്ത്രി പ്രഹ്ലാദ് ജോഷി പറഞ്ഞു. പതിനേഴാമത് ലോക്സഭയുടെ പതിമൂന്നാമത് സമ്മേളനവും രാജ്യസഭയുടെ 261-മത് സമ്മേളനവും സെപ്റ്റംബര് 18 മുതല് 22 വരെ അഞ്ച് ദിവസമായി നടക്കും. പാര്ലമെന്റില് ഫലപ്രദമായ ചര്ച്ചകളും സംവാദങ്ങളും നടത്താന് കഴിയുമെന്ന് പ്രതീക്ഷിക്കുന്നതായും മന്ത്രി വ്യക്തമാക്കി.
ലോക്സഭയിലേക്കും സംസ്ഥാന നിയമസഭകളിലേയ്ക്കും ഒറ്റ തിരഞ്ഞെടുപ്പ് എന്ന ആശയം ഏറെക്കാലമായി ബി.ജെ.പി. മുന്നോട്ടുവെക്കുന്നുണ്ട്. എന്നാല് ഇതിനെതിരേ പ്രതിപക്ഷ കക്ഷികള്ക്കിടയില്നിന്നടക്കം എതിര്പ്പ് ഉയര്ന്നിരുന്നു. ഒറ്റ തിരഞ്ഞെടുപ്പു നടത്തുന്നത് പൊതുഖജനാവിന് വലിയ ലാഭമുണ്ടാക്കുമെന്നും വികസന പദ്ധതികള്ക്കുണ്ടാകുന്ന തടസ്സം ഒഴിവാകുമെന്നുമാണ് കേന്ദ്രസര്ക്കാര് ചൂണ്ടിക്കാട്ടുന്നത്.
‘ഒരു രാജ്യം ഒരു തെരഞ്ഞെടുപ്പ്’സമിതിക്ക് രൂപം നല്കി കേന്ദ്ര സർക്കാർ രാം നാഥ് കോവിന്ദ് അധ്യക്ഷന്
![](https://kunnamangalamnews.com/wp-content/uploads/2023/09/kovind-rashtrapati_647_072017062305.jpg)