കുന്ദമംഗലം ഫാമിലി വെഡിങ് സെന്ററിന് സമീപം വാഹനാപകടം.കാറും ആംബുലൻസും കൂട്ടിയിടിച്ചാണ് അപകടമുണ്ടായത്.ഫാമിലി വെഡിങ് സെന്ററിന് സമീപമുള്ള സൂപ്പർ മാർക്കറ്റിൽ നിന്ന് റോഡിലേക്ക് അശ്രദ്ധമായി ഇറങ്ങിയ കാർ കർണാടകയിലെ കൂർഗിൽ നിന്ന് സ്വകാര്യ ആശുപത്രിയിലേക്ക്
വരുന്ന ആംബുലൻസിൽ ഇടിക്കുകയായിരുന്നു.മഞ്ഞപിത്തം ബാധിച്ച് ഗുരുതരാവസ്ഥയിലായ രോഗിയെയും കൊണ്ട് വന്ന ആബുലൻസ് ആണ് അപകടത്തിൽ പെട്ടത്. സംഭവത്തിൽ കാറിന്റെയും ആംബുലൻസിന്റെയും മുൻഭാഗം പൂർണമായും നശിച്ചു.
അപകടത്തിൽ ആംബുലൻസിൽ മുൻവശത്ത് ഇരുന്നിരുന്ന ചന്ദ്രൻ എന്ന ആൾക്ക് പരിക്കേറ്റു. പരിക്കേറ്റ ചന്ദ്രനെ ഓട്ടോയിൽ കയറ്റി മെഡിക്കൽ കോളേജിലേക്ക് കൊണ്ട് പോയി. ഓക്സിജന്റെ സഹായത്തോടെ ആംബുലൻസിൽ ഉണ്ടായിരുന്ന രോഗിയെ മറ്റൊരു ആംബുലൻസിൽ കയറ്റി ആശുപത്രിയിൽ എത്തിച്ചു. കാറിൽ ഉണ്ടായിരുന്നവർ പരിക്കുകൾ ഇല്ലാതെ രക്ഷപ്പെട്ടു.
