കേന്ദ്ര പരിസ്ഥിതി വന, കാലാവസ്ഥ വ്യതിയാന മന്ത്രാലയത്തിന്റെ സഹായത്തോടെ കേരള ശാസ്ത്ര സാങ്കേതിക പരിസ്ഥിതി കൗണ്സിലും ജല വിഭവ വികസന വിനിയോഗ കേന്ദ്രവും(cwrdm) സംയുക്തമായി 2019 നവംബര് 11 മുതല് 18 വരെയുള്ള തിയതികളില് നടത്തുന്ന തീരദേശ ശുചീകരണ യജ്ഞം 2019 ന്റെ ഔദ്യോഗിക ഉദ്ഘാടനം കോഴിക്കോട് ജില്ല കലക്ടര് സാംബശിവ റാവു നിര്വ്വഹിച്ചു. 11 ന് രാവിലെ ഏഴു മണിക്ക് ഗുജറത്തി വിദ്യാലയ ഹയര് സെക്കന്ററി സ്കൂളില് നടന്ന ചടങ്ങില് കെ.വി ബാബുരാജ് സ്റ്റാന്റിങ് കമ്മറ്റി ചെയര്മാന്, ഹെല്ത്ത് കോഴിക്കോട് കോര്പ്പറേഷന് അധ്യക്ഷത വഹിച്ചു.
തുടര്ന്ന് ജയശ്രീ കീര്ത്തി, കോഴിക്കോട് കോര്പ്പറേഷന് കൗണ്സിലര്, വിമല ജയരാജ്, പ്രിന്സിപ്പല് ഗുജറാത്തി വിദ്യാലയ ഹയര്സെക്കന്ററി സ്കൂള് , എം.എ ജോണ്സണ്, നാഷണന് ഗ്രീന് കോര്പ്സ് എന്നിവര് അദ്ധ്യക്ഷത വഹിച്ചു. ജലവിഭവ വിനിയോഗ കേന്ദ്രം എക്സിക്യൂട്ടീവ് ഡയറക്ടര് ഡോ. എ.ബി അനിത സ്വാഗതവും ഡോ. കെ.വി ശ്രുതി നന്ദിയും പറഞ്ഞു. ഗവ. ഗണപത് ബോയ്സ് ഹൈസ്കൂള്, ഹിമയത്തുള് ഇസ്ലാം ഹയര്സെക്കന്ററി സ്കൂള്, സെന്റ് ജോസഫ് ബോയ്സ് ഹൈസ്കൂള് സ്റ്റുഡന്റ്സ് പോലീസ് കേഡറ്റ്, കേരള എഡുക്കേഷന് കൗണ്സില് പ്രീ പ്രൈമറി ടീച്ചേര്സ് ട്രെയിനീസ്, കളാണ്ടിത്താഴം ദര്ശനം ലൈബ്രറി ഉള്പ്പെടെ 550 ഓളം വിദ്യാര്ത്ഥികളും നിരവധി സന്നദ്ധ പ്രവര്ത്തകരും പങ്കെടുത്തു.