കൊച്ചി: സര്ക്കാര് പൊളിക്കാന് ഉത്തരവിട്ട കൊച്ചിയിലെ പാലാരിവട്ടം പാലം പൊളിക്കരുതെന്ന് ഹൈക്കോടതിയുടെ ഇടക്കാല ഉത്തരവ്. അസോസിയേഷന് ഓഫ് സ്ട്രക്ചറല് ആന്ഡ് ജിയോ ടെക്നിക്കല് കണ്സള്ട്ടിങ് എന്ജിനിയേഴ്സും ഇതിന്റെ മുന് പ്രസിഡന്റ് അനില് ജോസഫും നല്കിയ ഹര്ജിയിലാണ് കോടതിയുടെ ഇടക്കാല ഉത്തരവ്.
ഇ.ശ്രീധരന്റെ വാക്കുകളുടെ മാത്രം അടിസ്ഥാനത്തിലാണ് പാലം പൊളിക്കാന് പോകുന്നത്. അറ്റക്കുറ്റപ്പണി നടത്തിയാല് പ്രശ്നങ്ങള് പരിഹരിക്കാമെന്ന് ചെന്നൈ ഐഐടിയുടെ പഠന റിപ്പോര്ട്ട് തള്ളിക്കൊണ്ടാണ് ഒരാളുടെ മാത്രം വാക്ക് കേട്ട് പാലം പൊളിക്കാനൊരുങ്ങുന്നതെന്ന് ഹര്ജിക്കാര് കോടതിയെ അറിയിച്ചിരുന്നു.
ഹൈക്കോടതിയുടെ അനുമതിയില്ലാതെ പാലം പൊളിക്കരുതെന്നും ലോഡ് ടെസ്റ്റ് നടത്തുന്നതില് വിദഗ്ദ്ധരുമായി ആലോചിച്ച് സര്ക്കാര് തീരുമാനം അറിയിക്കണം. സര്ക്കാര് ഇക്കാര്യത്തില് രണ്ടാഴ്ച്ചക്കകം മറുപടി നല്കണമെന്നും കോടതി ആവശ്യപ്പെട്ടു.