കോവിഡ് കാലത്ത് കഷ്ടതയനുഭവിക്കുന്ന രോഗികള്‍ക്ക് സാന്ത്വനമായി കാലിക്കറ്റ് സൈനിക കൂട്ടായ്മ. കോവിഡില്‍ സാമ്പത്തികമായി ബുദ്ധിമുട്ടുന്ന നിര്‍ധനരായ രോഗികള്‍ക്ക് കാലിക്കറ്റ് സൈനിക കൂട്ടായ്മയുടെ ( CSK )ചാരിറ്റി പ്രവര്‍ത്തനങ്ങളുടെ ഭാഗമായ് കുന്നമംഗലം പഞ്ചായത്തിലെ കുരിക്കത്തൂര്‍, തെക്കുവീട്ടില്‍ സുസ്മിതക്ക് ഒരു മാസത്തേക്കുള്ള ഡയാലിസിസിന് ആവശ്യമായ മരുന്നുകള്‍ എത്തിച്ചുനല്‍കി. കൂടാതെ നാരായണന്‍കുട്ടി , അശ്വിന്‍ എന്നിവര്‍ക്കും ആവശ്യമായ മരുന്നുകള്‍ അവരുടെ വീടുകളിലെത്തിച്ചു. സൈനിക ഗ്രൂപ്പിലെ അംഗം നിതിന്‍ പെരുവഴിക്കടവ്, വാര്‍ഡ് മെമ്പര്‍ എം എം സുധീഷ് കുമാറിന്റെ സാന്നിധ്യത്തില്‍ മരുന്നുകള്‍ കൈമാറി. ഇനിയും ആവശ്യമായ സഹായങ്ങള്‍ എത്തിച്ചു നല്‍കുമെന്ന് കാലിക്കറ്റ് സൈന്നിക ഗ്രൂപ്പിലെ അംഗങ്ങള്‍ അറിയിച്ചു.
കഷ്ടതയനുഭവിക്കുന്നവര്‍ക്ക് മരുന്നെത്തിച്ച് നല്‍കി കാലിക്കറ്റ് സൈനിക കൂട്ടായ്മ
